Matreiðslubækur
AF BESTU LYST I
Í bókinni eru uppskriftir af hollum réttum. Með hverri uppskrift fylgja upplýsingar um fjölda hitaeininga og magn mettaðrar og ómettaðrar fitu í skammti. Næringargildi algengra matvæla eru birt í ítarlegri töflu fremst í bókinni.
Bókin hefur margsinnis verið endurprentuð.

Útgefandi: Vaka- Helgafell, 1993. í samvinnu við Krabbameinsfélagið, Manneldisráð og Hjartavernd.

AF BESTU LYST II
Bókin er sambærileg við þá fyrri. Hún er kaflaskipt þ.a. sérstakur kafli er um salöt og smárétti, fiskrétti, kjötrétti, pasta og grænmetisrétti, brauð, kökur og eftirrétti. Laufey Steingrímsdóttir, forstöðumaður Manneldisráðs skrifar inngang.

Útgefandi: Vaka- Helgafell, 2001. í samvinnu við Krabbameinsfélagið, Manneldisráð og Hjartavernd.

AF BESTU LYST II er uppseld og verður ekki endurútgefin. 

AF BESTU LYST III

Fyrir jólin 2008 kom út þriðja bókin AF BESTU LYST. Bókin er full af girnilegum og nýjum spennandi og nútímalegum réttum sem jafnframt eru hollir og einkar ljúffengir. Einfaldleikinn er jafnframt hafður að leiðarljósi í öllum uppskriftum. 

Nanna Rögnvaldardóttir er höfundar uppskrifa en í bókinni má meðal annars finna uppskriftir að hægelduðum kryddjurtalaxi, fylltum kjúklingabringum, baunabuffi með heitu tómatsalati og hollum og girnilegum brauðum og kökum, auk fjölda annarra heilsusamlegra sælkerarétta. Hverri uppskrift fylgja upplýsingar um næringargildi réttarins, meðal annars um hitaeiningar, fitumagn og magn mettaðrar fitu, próteina og kolvetna.

Útgefandi: Vaka- Helgafell, 2008. í samvinnu við Krabbameinsfélagið, Lýðheilsustöð og Hjartavernd
 

Bækurnar fást í flestum bókabúðum og eru seldar í afgreiðslu Hjartaverndar.