„EuroHeart” verkefnið er samvinnuverkefni Evrópskra hjartaverndarfélaga (European Heart Network) sem Hjartavernd er aðili að og Evrópska Hjartasjúkdómafélagsins (European Society of Cardiology). Verkefnið hófst árið 2007 þegar Evrópsku stefnuskránni um heilbrigði hjartans var ýtt úr vör en tilgangurinn með útgáfuhlennar er að fá yfirvöld, heilbriðisstéttir, fagfélög og almenning til að taka höndum saman og vinna að því að minnka byrði samfélagsins vegna hjarta- og æðasjúkdóma. Evrópsku stefnuskránni var ýtt úr vör þann 16. ágúst 2007 með þátttöku þáverandi heilbrigðisráðherra, Hjartaverndar og Hjartasjúkdómafélags íslenskra lækna.

Á árinu 2009 kynnti Hjartavernd tvær nýjar skýrslu sem eru afrakstur vinnu við fimmta og sjötta hluta verkefnisins. Í skýrslunni Cardiovascular disease prevention in Europe – the unfinished agenda er fjallað um forvarnaráætlanir hinna ýmsu Evrópuþjóða og mat á árangri þeirra. Seinni skýrslan sem tilheyrir sjötta hluta verkefnisins ber nafnið Red Alert for Women’s Heart og er kastljósinu beint að konum í henni.

Fyrsta handbók sinnar tegundar á íslensku fyrir heilbrigðisstarfsfólk þar sem fjallað er á markvissan hátt um reykleysismeðferð og tóbaksvarnir. Bókin er þýdd og staðfærð eftir breskri bók: "Clearing the air" sem Royal College of nursing gaf út. Að útgáfu bókarinnar standa: Hjartavernd, Samtök hjúkrunarfræðinga og ljósmæðra gegn tóbaki, Krabbameinsfélagið, Fagdeild lungnahjúkrunarfræðinga, Fagdeild hjartahjúkrunarfræðinga, Fagdeild hjúkrunarfræðinga á krabbameinssviði.

Sífelld aukning offitu, einkum meðal barna, veldur vaxandi áhyggjum um alla Evrópu. Samkvæmt mati Alþjóðlega offitu-vinnuhópsins eru um 20% barna á skólaaldri í Evrópu of feit en því fylgir aukin hætta á að þau fái langvinna sjúkdóma í kjölfarið. Að verkefninu "Börn, offita og tengdir langvinnir sjúkdómar sem má forðast" koma hjartaverndarstofnanir 20 Evrópulanda ásamt þremur öðrum samstarfssamtökum. Skýrslan "Markaðssetning óhollrar fæðu" fjallar um fyrsta áfanga þessa verkefnis