Hjartadagurinn er haldinn á heimsvísu 29. september ár hvert en það er Alþjóðahjartasambandið (World Heart Federation) með stuðningi frá Alþjóðaheilbrigðisstofnunni (WHO og UNESCO) sem hvetur aðildarfélög sín um allan heim til að halda upp á Hjartadaginn. Hjartavernd er fyrir hönd Ísland aðli að sambandinu. 

Markmið Hjartadagsins, sem yfir 100 þjóðir taka þátt í um allan heim, er að auka vitund og þekkingu almennings á ógnum hjarta- og æðasjúkdóma og leggja áherslu á heilbrigða lífshætti svo að börn, unglingar og fullorðnir um allan heim öðlist betra og lengra líf. Á hverju ári falla í valinn í heiminum rúmlega 17.1 milljónir manna og kvenna af völdum hjarta- og æðasjúkdóma og eru þessir sjúkdómar algengasta dánarorsök alls mannkyns. Þetta þýðir að ein manneskja deyr á hverjum tveimur sekúndum í heiminum vegna hjarta- og æðasjúkdóma og er Ísland þar engin undantekning þar sem um 700 manns deyja árlega vegna sjúkdóma í blóðrásarkerfi sem jafngildir einum manni og einni konu á dag.

Nánar er hægt að lesa um Alþjóðlega hjartadaginn með því að smella hér
 

     Alþjóðlegur hjartadagur -29. september 2011

Hjartavernd, Hjartaheill, Heilaheill og Neistinn bjóða þér að taka þátt í hjartadeginum. Fræðsluerindi fyrir 10 bekk í Seljaskóla. Menntaskólinn í Kópavogi er með viðamikla dagskra á deginum og heldur sannkallaðan Hjartadag undir yfirskriftinni

• Hreyfðu þig á hverjum degi.

• Hreyfðu þig í vinnutímanum eins og þú best getur. Fáðu þér léttan göngutúr um vinnustaðinn eða nánasta umhverfi í hádegismatnum eða kaffitíma og fáðu samstarfsfólk þitt til að gera hið sama.

• Ekki senda töluvupósta til samstarfsfólks, notaðu tækifærið til að hreyfa þig - stattu upp og farðu gangandi til viðkomandi.

• Ekki taka lyftuna milli hæða.

• Leggðu bílnum þínum fjarri inngangi vinnustaðarins.

• Hjólaðu í vinnuna.

• Fræddu samstarfsfólk þitt um kosti þess að hreyfa sig reglulega og hve miklu það skilar sér í bættri heilsu.

• Hjálpaðu öðrum að hefja sín fyrstu skref í heilsueflingu, oft er gott að mynda hópa á vinnustað sem fara saman í gönguferðir.

• Farðu fram á hollan mat í mötuneyti, kaffistofu eða finndu í nágrenni vinnustaðarins matsölustaði sem leggja áherslu á holla rétti.

• Ræddu við forsvarsmenn fyrirtækisins sem þú vinnur hjá um hvernig hægt er að auka velferð á vinnustaðnum.

Topp 10 listinn fyrir heilbrigt hjarta

• Þitt framlag...
• 1. Reyktu ekki
• 2. Hreyfðu þig daglega
• 3. Borðaðu hollan mat
• 4. Haltu kjörþyngd
• 5. Forðastu óhóflega streitu
• Láttu kanna... 
• 6. blóðþrýsting þinn
• 7. blóðsykur þinn
• 8. kólesteról þitt
• 9. Ekki gleyma að ráðfæra þig við lækni
• Síðast en ekki síst... 
• 10. Njóttu lífsins en farðu vel með hjartað, þú átt bara eitt