ForsÝ­a arrow FrÚttir arrow VÝsindavaka 2013
VÝsindavaka 2013
visindavaka_logo_rezise.jpg

 

 

 

 

 

 

Vísindavaka Rannís verður haldin föstudaginn 27. september í Háskólabíói. Vísindavaka verður sett kl 17 í stóra salnum og veitt verður viðurkenning Rannís fyrir vísindamiðlun. 

Á Vísindavöku gefst kostur á að hitta okkar fremsta vísinda- og fræðifólk og kynnast viðfangsefnum þeirra frá fyrstu hendi. Í ár verður sýningarsvæðið fjölbreytt sem endranær, en einnig verður boðið upp á lifandi vísindamiðlun á sviði, allt frá örfyrirlestrum til Sprengjugengisins alræmda. Gestir Vísindavöku fá að skoða og prófa tæki og tól sem notuð eru við rannsóknir, skoða ýmsar afurðir og spjalla við vísindafólkið sjálft um hvernig er að starfa að vísindum, rannsóknum og nýsköpun. Allir finna eitthvað við sitt hæfi á Vísindavöku, og er sérstök áhersla lögð á að ná til ungs fólks - framtíðarfræðafólks okkar! Nánar á heimasíðu Vísindavökunnar; www.visindavaka.is

Hjartavernd er þátttakandi í Vísindavökunni eins og undanfarin ár og munu vísndamenn Hjartaverndar kynna áhættureikna Hjartaverndar, fyrir beinbrot og hjarta- og æðasjúkdóma. Að auki verður sett upp sérstök heilastöð þar sem gestum og gangandi gefst kostur á að teikna á sérstöku teikniborði inn á segulómmyndir af heila, einstök svæði hans til að rúmmálsgreina þau.