ForsÝ­a arrow FrÚttir arrow VÝsindamenn Hjartaverndar finna gen sem tengist ßhŠttu ß a­ fß gßttafl÷kt
VÝsindamenn Hjartaverndar finna gen sem tengist ßhŠttu ß a­ fß gßttafl÷kt
Vísindamenn Hjartaverndar undir stjórn Vilmundar Guðnasonar forstöðulæknis hafa í samvinnu við alþjóðlegt teymi vísindamanna fundið gen sem tengist áhættu á að fá gáttaflökt.  Niðurstöður þessarar rannsóknar birtust í dag á vefútgáfu hins virta tímarits Nature Genetics. Genið er þekkt fyrir að eiga þátt í þroska vöðva og taugafruma og getur því líklega varpað frekara ljósi á þróun og orsakir gáttatifs.  Frekari rannsóknir á þessu geni í dýrramódelum eru þegar vel komnar af stað.

Gáttatif er leiðnitruflun í forhólfum hjartans sem orsakar hjartsláttartruflun sem hefur í för með sér  að hjartað pumpar ekki blóði sem skyldi.  Ein af meginafleiðingum gáttatifs eru heilaáföll sem verða vegna segamyndunar í hjartanu, en segarnir geta farið á flakk og stíflað æðar í heilanum með alvarlegum afleiðingum.  Það er því mikilvægt að geta skilið orsakir sjúkdómsins og að geta fundið einstaklingana sem í mestri áhættu eru til að koma í veg fyrir heilaáföll.

Víðtæk erfðamengisleit er nýleg aðferðafræði sem þróuð hefur verið erlendis sem hefur gert vísindamönnum auðveldara fyrir að finna ný áhættugen fyrir marga mismunandi sjúkdóma á undanförnum misserum. Það reynist hins vegar erfiðara að sjá fyrir með hvaða hætti slíkar uppgötvanir geta hjálpað til að finna einstaklinga í áhættu á að fá sjúkdóm og áföll sem sjúkdómunum fylgja.

Hóprannsókn Hjartaverndar á Reykjavíkursvæðinu þar með talin Öldrunarrannsókn Hjartaverndar þar sem hópum sem endurspegla heilt þjóðfélag er fylgt eftir í áratugi eru sérlega vel til fallnar að spá fyrir og meta áhættuna á sjúkdómum eins og gáttatifi, andstætt hefðbundnum rannsóknum á sjúklingahópum. Þessar rannsóknir Hjartaverndar hafa fundið ýmsa áhættuþætti gáttatifs og Hjartavernd hefur þróað sérstakan áhættureikni fyrir gáttatif sem fljótlega mun vera afhentur þjóðinni til afnota.  Verið er að rannsaka gagnsemi gena eins og fundust í þessari rannsókn Hjartaverndar fyrir mat á áhættu á því að fá gáttatif og þá sérstaklega með það fyrir augum að finna einstaklinga í tæka tíð og koma í veg fyrir afleiðingar sjúkdómsins.

Allar frekari upplýsingar gefur Vilmundur Guðnason erfðafræðingur og forstöðulæknir Hjartaverndar sími 535 1806 og netfang Ůetta netfang er vari­ fyrir ruslrafpˇsti, ■˙ ■arft a­ hafa Javascript virkt til a­ sko­a ■a­