|
Reykjavíkurmaraþon Glitnis |
Næstkomandi laugardag fer Reykjavíkurmaraþon Glitnis fram. Glitnir heitir á
starfsmenn sína og viðskiptavini sem taka þátt í hlaupinu. Þeir sem hlaupa
ákveða sjálfir hvaða góðgerðarsamtök njóta góðs af þátttökunni. Glitnir greiðir
500 krónur til fyrir hvern kílómetra sem þeir hlaupa.
Vinir og velunnarar
þessara viðskiptavina geta jafnframt heitið á þá í hlaupinu. Þannig hvetja þeir
viðkomandi til dáða og láta um leið gott af sér leiða og vill Hjartavernd hvetja
alla velunnara sína til að heita á þá hlaupara sem hlaupa í þágu Hjartaverndar.
Hægt er að heita á hlaupara með því að smella hér
Í fyrra
komu 800 þúsund krónur í hlut Hjartaverndar og var fénu varið í að kaupa
fullkominn hjartarita sem tekinn var formlega í notkun að viðstöddum þeim
starfsmönnum Glitnis sem hlupu og hétu á Hjartavernd.
|
