Alzheimer´s sjúkdómur er algengasti sjúkdómur alvarlegra elliglapa og er tíðni hans að aukast með hækkandi aldri í nútímasamfélögum með tilheyrandi aukinni byrði á heilbrigðiskerfi í viðkomandi landi.  Engin sannreynd lækning er þekkt í dag sem kemur í veg fyrir eða hægir á framgangi sjúkdómsins, en sjúkdómurinn  skerðir verulega lífsgæði fólks á efri árum og flýtir fyrir ótímabærum dauðsföllum.  Skortur á góðum meðferðarúrræðum útskýrist að hluta til af takmarkaðri þekkingu okkar á því hvað veldur sjúkdómnum. Rannsókn vísindamanna Hjartaverndar og Háskóla Íslands, Dr. Vals Emilssonar og Dr. Vilmundar Guðnasonar,  á orsökum Alzheimer´s sjúkdóms sem birtist nýlega í hinu virta fagriti Cell hefur vakið mikla athygli í erlendum miðlum.  

Dr. Valur, sem stýrði alþjóðlega teyminu að baki rannsókninni, segir rannsóknina óvenjulega að því leyti að virkni (og samspil) þúsunda gena var könnuð  í heilum hundruða látinna Alzheimer´s sjúklinga og einstaklinga sem ekki þjáðust af elliglöpum.  Öll lífsýni voru fengin úr lífsýnabankanum Harvard Brain Bank hjá McLean spítalanum í Boston. Niðurstöður rannsóknarinnar veita, í fyrsta skipti, innsýn inn í þær flóknu sameindabreytingar sem eiga sér stað í heila Alzheimer´s sjúklinga og eru byltingakenndar að því leyti að þau gen sem stýra þessum breytingum voru auðkennd. Einnig voru starfræn tengsl genanna könnuð og kortlögð í ólíkum heilasvæðum sjúklinga. Með birtingu greinarinnar er öllum vísindamönnum gefinn frjáls aðgangur að því gríðarmikla magni upplýsinga sem komið hafa úr rannsókninni.  Við vonum, að með því að veita vísindamönnum aðgang að þessum nýju upplýsingum og aðferðafræði, munu líkurnar á því að þróa lækningu við Alzheimer´s sjúkdóm aukast verulega.

  Með því að fara hér má  finna sjálfa greinina í Cell 

Á þriðjudaginn 12. febrúar halda Almannaheill og Fræðasetur þriðja geirans málþing um gagnsemi frjálsra félagasamtaka. Málþingið verður haldið í Háskólanum í Reykjavík og hefst kl. 12:15 og stendur til 13:45. Aðgangur ókeypis og allir velkomnir. Fjallað verður um áhrif félagsstarfs á heilsufar, þátt frjálsra félagasamtaka í lýðræði og framlag frálsra félgasamtaka? Einnig mun Ragna Árnadóttir formaður Almannaheilla segir frá vinnu að gerð frumvarps til laga um stöðu, skyldur og réttindi félagasamtaka sem vinna í almannaþágu.

Dagskrána má finna hér.

08.02.2013

Landspítalinn við Hringbraut og Perlan í Öskjuhlíðinni eru nú lýst upp í rauðum lit til að minna á forvarnir hjarta- og æðasjúkdóma hjá konum.

GoRed átakið miðar að því að fræða konur um áhættuþætti og einkenni hjarta- og æðasjúkdóma og hvernig draga má úr líkum á þessum sjúkdómum. GoRed átakið er alheimsátak á vegum World Heart Federation og hófst á Íslandi 2009. Verndari átaksins hér á landi er Ingibjörg Pálmadóttir, fyrrum heilbrigðisráðherra. Formaður stjórnar GoRed er Þórdís Jóna Hrafnkelsdóttir sérfræðingur í hjartasjúkdómum.

Of margar konur og alltof margir heilbrigðisstarfsmenn, telja að hjarta- og æðasjúkdómar séu eitthvað sem margir karlar fá , en bara ein og ein kona. Konur eru oft ekki meðvitaðar um eigin áhættu og áhættuþætti og framan af ævinni fá hlutfallslega færri konur en karlar hjartaáföll. Eigi að síður eru hjarta- og æðasjúkdómar af einhverju tagi algengasta dánarorsök kvenna jafnt sem karla hér á landi líkt og í Evrópu. Á Íslandi hefur tíðni hjarta- og æðasjúkdóma farið lækkandi tengt því að staða áhættuþátta hefur batnað verulega á síðustu áratugum.

Það eru einungis fáein ár síðan farið var að leggja áherslu á að miðla upplýsingum til kvenna og heilbrigðisfagfólks um hversu algengir hjarta- og æðasjúkdómar eru hjá konum. GoRed átakinu er ætlað að fá konur til að átta sig á hverjir áhættuþættir hjarta- og æðasjúkdóma eru, kenna þeim að þekkja einkennin og bregðast skjótt við.

Á Íslandi eru það Hjartavernd, Hjartaheill, Heilaheill og fagdeild hjartahjúkrunarfræðinga sem starfa saman að GoRed auk fleiri fagaðila. Ætlunin er að vera með víðtæka kynningu, skemmtun og fræðslu í á konukvöldi í Kringlunni fimmtudaginn 14. febrúar og hefst dagskráin klukkan 19:30.
Til mikils að vinna, því markmið átaksins er að fræða konur og karla um einkenni hjarta- og æðasjúkdóma en sú þekking getur bjargað mannslífum. 

08.02.2013

Í nýjasta (birt 7. febrúar 2013 ) hefti New England Journal of Medicine sem er eitt virtasta læknisfræðitímarit í heimi segir frá rannsókn vísindamanna Hjartaverndar og Háskóla Íslands í samvinnu við alþjóðalegt teymi vísindamanna á framlagi gens sem tvöfaldar áhættuna á ósæðalokukölkun og ósæðaþrengslum.

Ósæðaþrengsli er hjartasjúkdómur og eykst tíðni sjúkdómsins verulega með aldri. Það hefur verið sýnt fram á að algengi hans er um 2% hjá 65 ára og eldri, 3% hjá 75 ára og eldri og 4% hjá þeim sem eru 85 ára og þar yfir. Með hratt vaxandi fjölgun aldraðra er ljóst að þessi sjúkdómur á eftir að verða mjög algengur.  Sjúkdómurinn er mjög íþyngjandi fyrir sjúklingana og leiðir af sér minnkandi lífsgæði og mikinn kostnað fyrir samfélagið bæði vegna meðferðar og sjúkrahúskostnaðar. Sé sjúkdómurinn langt genginn , þá er eina leiðin til lækninga að skifta út lokunni sem er dýr og ekki áhættulaus aðgerð. Með nýrri aðferðum hefur verið unnt að skifta út ósæðarlokunni án þess að gera opna brjóstholsaðgerð. Sú aðgerð hentar betur þeim sem sökum aldurs og oft annarra sjúkdóma er ekki treyst í opnar aðgerðir.  Best er þó ef unnt er að fyrirbyggja þróun ósæðarkölkunar og ósæðarþrengsla.

Hægt er að komast á abstrakt greinarinnar með því að smella hér.

Í kvöldfréttum RÚV var fjallað um rannsóknina þar sem tekið var viðtal við Vilmund Guðnason forstöðulækni Hjartaverndar. Umfjöllun RÚV má sjá með því að fara hér . 

08/02/2013

Þann 9. janúar síðastliðinn fékk Hjartavernd afhenta rúma 1 milljónar króna ágóða af sölu Hjartabrauðsins sem Landssamband bakarameistara hannaði í samvinnu við Hjartavernd og hóf sölu á þann 1. september 2012. Hjartabrauðið er alfarið úr heilmöluðu korni og inniheldur lítið salt og sykur. Brauðið var gagngert sett á markaðinn til að stuðla að heilsusamlegri brauðneyslu þjóðarinnar og renna 60 krónur af hverju seldu brauði til söfnunar fyrir nýju ómtæki Hjartaverndar, sem þarf að endurnýja.

Við sama tilefni fékk Hjartavernd einnig afhenta rausnarlega gjöf Hjartaheilla uppá 5,5 milljóna króna til kaupa á nýja ómtækinu sem verður notað til rannsókna.

Styrkirnir voru afhentir við hátíðlega athöfn í Hjartavernd að viðstöddum Vilmundir Guðnasyni forstöðulækni Hjartaverndar sem þakkaði fyrir þessa rausnarlegi styrki sem skipta sköpum í rannsóknum á byrjunarstigi æðakölkunar löngu áður en hjarta- og æðasjúkdómar gera vart við sig. Rannsóknir sem geta skipt sköpum til að bæta lífsgæði og heilsu hinna eldri en eldra fólki á Íslandi mun fjölga verulega næstu áratugina.

Einnig voru viðstaddir starfsmenn Hjartaverndar, fulltrúar Hjartaheilla, Landssambands bakarameistara, stjórnar Hjartaverndar og Ölgerðarinnar.

Í lok september kom út nýr tölfræðivísir um hjarta- og æðasjúkdóma innan Evrópu. Tölfræðivísirinn er gefinn út af Evrópsku hjartaverndarfélögunum (European Heart Network) og Evrópska hjartasjúkdómafélaginu sem hluti af EuroHeart II verkefninu sem Hjartavernd tekur þátt í fyrir hönd Íslands. Sambærilegt rit var seinast gefið út á árinu 2008. Vísirinn var gefinn út í tengslum við alþjóðlegan hjartadag þann 29. september.

• Hjarta- og æðasjúkdómar eru aðal dánarorsök Evrópubúa og valda 47% allra dauðsfalla.
• Hjarta- og æðasjúkdómar eru megin dánarorsök kvenna í öllum löndum Evrópu og helsta dánarorsök karla í   öllum löndum nema sex.
• Heilablóðfall (stroke) er næst algengasta dánarorsökin innan Evrópu og má gera ráð fyrir að nærri  1.1 miljón deyi á ári hverju vegna heilablóðfalls. Ríflega ein af hverri sjö konum (15%) og einn af hverjum tíu (10%) körlum deyr vegna heilablóðfalls.
• Það er gífurlegur munur á dánartíðni vegna  hjarta- og æðasjúkdóma innan Evrópu. Til dæmis dóu 60% karla í Búlgaríu vegna hjarta- og æðasjúkdóma á meðan 25% franskra karlmanna létust vegna sömu sjúkdóma. 
• Tíðni sykursýki er há í sumum löndum Evrópu og í nokkrum þeirra hefur hún hækkað um rúm 50% á síðasta áratug. 
• Reykingar eru enn stórt heilbrigðisvandamál í Evrópu. Þó að dregið hafi úr reykingum í mörgum Evrópulöndum þá hefur mjög hægt á þróuninni og í sumum löndum má sjá stöðnun og jafnvel aukningu í tíðni reykinga.
• Konur reykja nú nærri jafnmikið og karlar í mörgum löndum Evrópu og stúlkur reykja oft meira en drengir.
• Neysla á grænmeti og ávöxtum hefur aukist á síðustu áratugum en heildar neysla á fitu hefur haldist í stað.
• Fáir Evrópubúar ná ráðlagðri hreyfingu á degi hverjum og fleiri konur en karlar hreyfa sig ekki neitt.
• Heildarkostnaður innan ESB vegna hjarta- og æðasjúkdóma er áætlaður um 196 milljarður evra á ári.

Hægt er að nálgast tölfræðivísinn með því að fara á heimasíður EHN eða með því að smella HÉR 

10.10.2012 

Hjartadagshlaupið 2012 - 10 km
Kópavogur - 30. september 2012
Heildarúrslit

   1      34:26   Ingvar Hjartarson                  
   2      37:25   Örvar Steingrímsson                
   3      37:51   Snorri Gunnarsson                  
   4      38:00   Ólafur Darri Andrason              
   5      38:20   Bóas Jónsson                       
   6      39:27   Albert Kjartansson D Imsland    
   7      39:46   Atli Steinn Sveinbjörnsson         
   8      39:58   Fríða Rún Þórðardóttir             
   9      40:59   Valgerður Dýrleif Heimisdóttir  
  10      41:15   Guðmundur Löve                     
  11      41:24   Eiríkur Jónsson                    
  12      41:33   Karl Hinrik Jósafatsson            
  13      41:37   Agnes Kristjánsdóttir              
  14      41:43   Bjarni Stefán Gunnarsson          
  15      42:20   Davíð Ólafsson                     
  16      42:24   Jóhanna Arnórsdóttir               
  17      42:28   Ragnar Hólm Gunnarsson         
  18      42:40   Gísli Kristjánsson                 
  19      43:01   Torben Gregersen                   
  20      43:03   Gunnar Víðir Þrastarson            
  21      43:19   Valur Sigurðarson                  
  22      43:49   Sigurður Ingvarsson                
  23      44:47   Davíð Björn Kjartansson            
  24      44:51   Theodór Carl Steinþórsson        
  25      45:06   Bjarki Guðmundsson                 
  26      45:09   Ægir Örn Kristjánsson              
  27      45:10   Guðmundur G Þorleifsson         
  28      46:00   Ásgrímur Guðmundsson            
  29      46:06   Gunnar Ellert Geirsson             
  30      46:10   Fjóla Dröfn Guðmundsdóttir    
  31      46:29   Arnar Þór Jónsson                  
  32      46:37   Eva H Arnarsdóttir                 
  33      46:37   Gauti Kjartan Gíslason             
  34      46:49   Sigurgeir Finnsson                 
  35      46:55   Helgi Benediktsson                 
  36      46:56   Magnús Þór Þorbergsson          
  37      47:16   Helgi Harðarson                    
  38      47:40   Friðrik Friðriksson                
  39      47:54   Ingvar Páll Jónsson                
  40      48:10   Ragnheiður Sveinbjörnsdóttir  
  41      48:16   Örn Þór Halldórsson                
  42      48:25   Hjalti Sigurjón Andrason           
  43      48:31   Óskar Valdimarsson                 
  44      48:34   Aldís Arnardóttir                  
  45      49:09   Indriði Ingi Stefánsson            
  46      49:15   Karen Dröfn Kjartansdóttir        
  47      49:24   Guðbjörg Jónsdóttir                
  48      49:38   Sigríður Víðis Jónsdóttir          
  49      49:38   Jón Stefán Björnsson               
  50      49:48   Steffen Sprotte Olsen              
  51      49:48   Gunnar Stefán Ingason              
  52      49:59   Sigurborg Kristinsdóttir           
  53      50:04   Matthías Ragnarsson                
  54      50:07   Sólveig Guðlaugsdóttir             
  55      50:07   Ingvar Kristinsson                 
  56      50:25   Ægir Magnússon                     
  57      50:28   Hjörleifur Helgi Hansson           
  58      50:43   Harpa Víðisdóttir                  
  59      51:04   Benedikt Fannar Guðmundsson
  60      51:18   Birgir Örn Guðmundsson           
  61      51:52   Kjartan Gauti Gíslason             
  62      51:52   Bryndís Sigurðardóttir             
  63      51:53   Gísli Heiðar Bjarnason             
  64      52:00   Rúna Hauksdóttir Hvannberg   
  65      52:16   Gunnar Berg Smári                  
  66      52:41   Fríða Gylfadóttir                  
  67      52:42   Margrét Blöndal                    
  68      53:00   Sigrún Gunnsteinsdóttir            
  69      53:17   Bryndís Alexandersdóttir           
  70      53:25   Lárus Hagalín Bjarnason            
  71      53:30   Heiðrún Erika Guðmundsdóttir
  72      53:52   Kristinn Briem                     
  73      54:01   Leó Alexander Guðmundsson  
  74      54:01   Tinna Ösp Arnardóttir             
  75      54:03   Árni Davíðsson                     
  76      54:05   Þórarinn Kristján Ólafsson         
  77      54:05   Örlygur Smári                      
  78      54:19   Jón Söring                         
  79      54:24   Koen Kjartan Van de Putte        
  80      54:34   Jón Tryggvi Þórsson                
  81      54:37   Hergeir Elíasson                   
  82      54:44   Eyrún Baldvinsdóttir               
  83      55:02   Freyja Vilborg Þórarinsdóttir    
  84      55:12   Dagný Hauksdóttir                  
  85      55:48   Unnur Jónsdóttir                   
  86      56:12   María Sigurðardóttir Norðdahl 
  87      56:57   Jórunn Pála Jónasdóttir            
  88      57:57   Helen Hergeirsdóttir               
  89      57:59   Ína Rós Jóhannesdóttir             
  90      58:07   Erna Sigfúsdóttir                  
  91      58:19   Jón Óskar Sverrisson               
  92      59:05   Hrönn Stefánsdóttir                
  93      59:06   Ásta Pálína Stefánsdóttir          
  94      60:07   Elínborg Óskarsdóttir              
  95      60:57   Anna Guðbjörg Gunnarsdóttir  
  96      62:21   Jónatan Líndal Eggertsson         
  97      63:32   Stefán Ingi Hermannsson          
  98      63:37   Ingibjörg Markúsdóttir             
  99      63:47   Elfa Hrund Guttormsdóttir        
 100      64:34   Aðalheiður Signý Óladóttir      
 101      66:37   Kjartan Birgisson                  
 102      68:05   Linda Ólafsdóttir
 103      68:05   Harpa Ólafsdóttir
 104      73:22   Steingrímur Jónsson

Þann 29. september næstkomandi verður haldinn um víða veröld alþjóðlegur hjartadagur og á Íslandi sameinast Hjartavernd, Hjartaheill, Neistinn- styrktarfélag hjartveikra barna og Heilaheill um að halda daginn hátíðlegan og bjóða til sannkallaðrar hjartahelgi dagana 29. og 30. september með veglegri dagskrá í Reykjavík og Kópavogi sem einkennist af hreyfingu, útiveru og samveru allra fjölskyldunnar.

•  
  •  
    • Dagskrá:
      Laugardagurinn 29. september 
      Bronsleikar Frjálsíþróttadeildar ÍR fyrir börn 10 ára og yngri – kl. 9.30 í frjálsíþróttasalnum í Laugardalshöllinni.
      Hjartagangan um Laugardal og Fjölskyldu- og húsdýragarðinn. Lagt verður af stað kl. 10.30 frá anddyri Laugardalshallar. Tvær gönguleiðir 2,7 km og 3,8 km. Engin forskráning bara að mæta.
      Sunnudagurinn 30. september 
      Hjartadagshlaupið kl. 10:00 á Kópavogsvelli. Tvær vegalengdir, 5 og 10 km með tímatöku. Vegleg verðlaun í boði fyrir efstu sæti, auk útdráttarverðlauna. Skráning er á hlaup.is eða við stúkuna á Kópavogsvelli frá klukkan 9:00. Þátttaka er ókeypis.

Á hverju ári er tilteknu málefni gerð skil á hjartadaginn og í ár er áherslan á forvarnir hjarta- og æðasjúkdóma hjá konum og börnum. Mikilvægt er að foreldrar kenni börnum sínum strax í frumbernsku heilbrigða lífshætti sem einkennast af neyslu á hollum mat, tóbakslausu lífi og því að hreyfa sig reglulega. Mýtan að hjartasjúkdómur sé sjúkdómur karla, þeirra eldri og oft betur stæðu er lífsseig þegar hið rétta er að jafn margar konur deyja árlega og karlar vegna hjarta- og æðasjúkdóma á heimsvísu. Rétt er þó að hafa í huga að almennt greinast konur með kransæðasjúkdóm um 10 árum síðar en karlar. Hins vegar eru þær oftar orðnar veikari þegar þær fá hjartasjúkdóm og getur verið erfiðara að meðhöndla þær.
Til að að setja umfang hjarta- og æðasjúkdóma í samhengi er rétt að hafa í huga að rúmar 17 milljónir manns deyja á ári hverju í heiminum úr hjarta- og æðasjúkdómum á meðan rúmar 3,8 milljónir deyja úr malaríu, alnæmi og berklum samanlagt. Hjartasjúkdómur er dánarorsök einnar konu af hverri þremur sem deyr í heiminum. Á Íslandi létust á árinu 2009 rúmlega 500 manns úr hjarta – og  æðasjúkdómum og þar af voru 230 konur.

Hjartasjúkdómar eru fyrirbyggjanlegir og með því að tileinka sér heilbrigðan lífsstíl  má má seinka sjúkdómnum og jafnvel koma í veg fyrir ótímabær dauðsföll

Framlag Hjartaverndar verður tvíþætt. Í fyrsta lagi verður kynning á áhættureikni Hjartaverndar þar sem hægt er að reikna líkur á hjartaáfalli á næstu tíu árum.

Einnig verður sagt frá notkun myndgreiningar til betri skilnings á áhættuþáttum beinbrota. Í Hjartavernd fer fram fjöldi rannsókna á beinþéttni og beinstyrk með myndgreiningu þar sem nýstárlegri aðferðafræði er beitt til að kanna áhættuþætti og forspárgildi beinbrota. Markmiðið með þessum rannsóknum er að finna betri aðferðir en nú eru venjulega notaðar til finna einstaklinga sem eru í aukinni hættu á að brotna og þar með að auka forvarnir beinbrota. Um er að ræða aðferðir sem byggja á myndatöku í þrívídd með tölvusneiðmyndun og segulómun. Þessar rannsóknir verða kynntar og tengdar við helstu áhættuþætti beinbrota og þætti sem eru beinverndandi.

Vísindavaka er árlegur viðburður þar sem almenningi gefst kostur á að hitta vísindamenn sem stunda rannsóknir í hinum ýmsu vísindagreinum og kynnast viðfangsefnum þeirra. Öll fjölskyldan finnur eitthvað við sitt hæfi á Vísindavöku, en hún er haldin samtímis um alla Evrópu á Degi evrópska vísindamannsins, sem er síðasta föstudag í september. 

27.09.2012

Uppskeruhátið áheitasöfnunar Reykjavíkurmaraþons Íslandsbanka fór fram þriðjudaginn 11. september í höfuðstöðvum Íslandsbanka sem er aðalstyrktaraðili hlaupsins. Fulltrúar góðgerðarfélaganna, hlaupara og skipuleggjendur komu þar saman og fögnuðu góðum árangri áheitasöfnunarinnar sem fór fram á hlaupastyrkur.is. Alls söfnuðust krónur 45.987,154 sem skiptust á 130 góðgerðarfélög. Þetta er 5% hækkun á söfnunarfénu frá árinu 2011.
Hjartavernd þakkar þeim fjölmörgu sem að hétu á félagið, hlupu eða hétu á hlaupa og létu þannig gott að sér leiða. Alls komu í hlut Hjartaverndar 321.888 krónur.