Hjartavernd hefur hafið sölu á tækifæriskortum til styrktar Rannsóknarstöð Hjartaverndar. Um er að ræða sannkölluð listaverkakort því tvö málverk eftir Nikulás Sigfússon fyrrum forstöðulækni Hjartaverndar prýða kortin. Á öðru kortinu er sumarmynd af Þingvöllum sem er í eigu Hjartaverndar og á hinu vetrarmynd af Hólmsá sem Nikulás málaði sérstaklega fyrir útgáfu kortsins.
Auk þess að geta valið á milli tveggja fallegra mynda er einnig hægt að velja hvort kortið á að vera almennt gjafakorts með fallegu ljóði eftir Ara Harðarson ljóðskáld eða kort þar sem kemur fram að gefandinn hafi ánafnað framlagi til Rannsóknarstöðvar Hjartaverndar.

Vísindamenn Rannsóknarstöðvar Hjartaverndar í samvinnu við alþjóðlegan hóp vísindamanna hafa fundið 9 genasvæði sem tengjast innra leiðslukerfi hjartans.

Þessar rannsóknar niðurstöður birtust í dag í vefriti hins virta vísindatímarits Nature Genetics. Rannsóknin náði til tæplega 29000 einstakling og er samvinna 7 stórra hóprannsókna þ.á.m. Öldrunarrannsóknar Hjartaverndar en Vilmundur Guðnason prófessor og forstöðulæknir Hjartaverndar leiddi hópinn að hálfu Hjartaverndar.

Innra leiðslukerfi hjartans hefur verið rannsakað með hjartalínuritum í yfir 100 ár og er það eitt af mikilvægari tækjum í hefðbundinni læknisfræði í dag. Ítarlegri þekking á þeim þáttum sem stýra innri leiðslu og samdrætti hjartans opna fyrir nýja möguleika til að greina fyrr alvarlegar hjartsláttartruflanir eins og gáttaflökt en 5 af þessum genasvæðum sem fundust í erfðamenginu tengjast eðlilegri leiðni í hjartanu og einnig gáttaflökti. Niðurstöður þessarar rannsóknar opna því hugsanlega fyrir nýja möguleika til að spá fyrir um hjartasláttartruflanir eins og gáttaflökt og þá um leið möguleika til að nýta niðurstöðurnar í fyrirbyggjandi læknisfræði.

 Rannsókn þessi er enn ein merk erfðafræðileg uppgötvun sem Öldrunarrannsókn Hjartaverndar leiðir af sér.

________________________________________________________________

Sé nánari upplýsinga óskað vinsamlegast hafið þá samband við prófessor Vilmund Guðnason forstöðulækni Rannsóknarstöðvar Hjartaverndar í síma 535-1806.  Netfang Þetta netfang er varið fyrir ruslrafpósti, þú þarft að hafa Javascript virkt til að skoða það

Hjartavernd hefur nýverið fengið rannsóknastyrki frá Bandarísku heilbrigðisstofnuninni (NIH) til rannsókna á sambandi æðakerfis og heila- og nýrnastarfsemi sem og til rannsókna á notkun beinamynda sem munu spá fyrir um líkur á beinbrotum.

Rannsóknin á æðakerfinu er gerð í samvinnu við vísindamenn í Cambridge í Bandaríkjunum og mun vonandi geta varpað ljósi á þá þætti æðabreytinga og blóðflæðisstjórnunar á hrörnun og vefjabreytingum í heila og nýrum sem gjarnan sjást með auknum aldri og hugsanlega verður hægt að hafa áhrif á.

Hjartavernd hefur á síðustu árum skipað sér sess meðal fremstu rannsóknarstofnana í heiminum á sviði notkunar á myndgreiningu í faraldsfræði. 

Sé nánari upplýsinga óskað vinsamlegast hafið þá samband við prófessor Vilmund Guðnason forstöðulækni Rannsóknarstöðvar Hjartaverndar í síma 535-1806

Hjartavernd er lokuð 24. desember og 31. desember fyrir utan hefðbundna lokun yfir jól og áramót.

Móttaka Hjartaverndar verður opin 28.-30. desember en engar innkallanir verða þá daga.

Hægt er að panta minningarkort í gegnum vef Hjartaverndar með því að smella hér en EKKI er tekið við pöntunum í síma 24. desember og 31. desember.

Hægt er að panta tíma í Áhættumat með því að smella hér

Þann 12. nóvember 2009 færði Sveinn B. Ólafsson Hjartavernd veglega peningagjöf í minningu konu sinnar Önnu Þorgilsdóttur, sem lést þann 25. júlí 2008. Að auki afhenti hann Hjartavernd einstaklega fallega bók til minningar um konu sína, sem fjölskyldan hafði látið útbúa.  Anna var einstök hannyrðakona og eru í bókinni  ljósmyndir af hannyrðum hennar.

Hægt er að panta tíma í áhættumat með því að smella hér

Hægt er að panta minningarkort í gegnum vef Hjartaverndar með því að smella hér en EKKI er tekið við pöntunum í síma eins og vant er þennan dag.

Öll starfsemi Hjartaverndar verður með venjubundnum hætti mánudaginn 19. október

Rannís stendur fyrir Vísindavöku – stefnumóti við vísindamenn, föstudaginn 28. september. Vísindavaka er árlegur viðburður þar sem almenningi gefst kostur á að hitta vísindamenn sem stunda rannsóknir í hinum ýmsu vísindagreinum og kynnast viðfangsefnum þeirra. Öll fjölskyldan finnur eitthvað við sitt hæfi á Vísindavöku, en hún er haldin samtímis um alla Evrópu á Degi evrópska vísindamannsins, sem er síðasta föstudag í september. RANNÍS stendur fyrir Vísindavöku á Íslandi. Vísindavaka 2009 verður haldin föstudaginn 25. september í Listasafni Reykjavíkur kl. 17:00-22:00.
Vísindavakan verður haldin í Listasafni Reykjavíkur við Tryggvagötu og stendur frá kl. 17.00-22.00.
Á vökunni verður fróðleikur á hverjum fermetra og kjörið fyrir alla að líta við, bæði unga og aldna og alla þar á milli.

Hjartavernd tekur að venju þátt í vísindavökunni og mun kynna rannsóknir sínar og starfsemi. Þar verður meðal annars kynntur Áhættureiknir Hjartaverndar sem reiknar líkur á hjartasjúkdómi á næstu 10 árum. Einnig verður sérstök kynning á Áhættuþáttakönnun Hjartaverndar sem hlaut Öndvegisstyrk RANNÍS 2009. Þrátt fyrir að mælingar á hefðbundnum áhættuþáttum hafi sannað mikilvægi sitt í forvörnum hjarta- og æðasjúkdóma þá vinnur Hjartavernd stöðugt að því að finna nýja áhættuþætti svo fyrr megi greina einstaklinga í aukinni áhættu og beita forvörnum. Þetta er gert í Áhættuþáttakönnun Hjartaverndar þar sem nýjum mælingum á áhættuþáttum er kerfisbundið bætt við mælingar á hefðbundnum áhættuþáttum. Áhættuþáttakönnunin hófst í ársbyrjun 2006 og í henni taka þátt þúsundir einstaklinga á aldrinum 20-69 ára sem búa á höfuðborgarsvæðinu. Ein af þessum nýju mælingum er ómun af hálsslagæðum. Samband stærðar æðaskella í hálsslagæðum við kransæðastíflu og heilablóðfall er þekkt. Vísbendingar eru um að tengsl samsetningar æðaskella við kransæðastíflu og heilablóðfall séu enn sterkari. Þannig eru æðaskellur samsettar fitu og blóði líklegri til að valda áföllum en æðaskellur samsettar bandvef og kalki. Hjartavernd fékk nýverið Öndvegisstyrk RANNÍS til að kanna frekar samband stærðar og samsetningar æðaskella við áhættuþætti hjarta- og æðasjúkdóma. Í þessari rannsókn eru þátttakendur í Áhættuþáttakönnuninni skoðaðir tvisvar með ómun með þrigga ára millibili og æðaskellur hálsæða metnar með tilliti til breytinga í samsetningu og stærð.