Á hverjum einasta klukkutíma, hvern einasta dag ársins verða slys eða skyndileg veikindi þar sem t.d. hjartastopp eða meðvitunarleysi koma upp hjá einstaklingum. Slíkt gerir sjaldan boð á undan sér, það veit sá sem í því lendir. Þá er mikilvægt að vita hvert ber að leita og vera öruggur um að sá sem við tilkynningunni tekur kunni að bregðast við og leita eftir réttum aðila til hjálpar.
Til þess er Neyðarlínan 112.
Föstudaginn 11. febrúar, verður þjónusta Neyðarlínunnar 112 kynnt almenningi með sérstakri dagskrá í Smáralind og hefur hún fengið yfirskriftina 112 dagurinn 2005. Hann er nú haldinn í fyrsta skipti á Íslandi, en ætlunin er að 112 dagurinn verði árviss viðburður í febrúar héðan í frá.

112 dagurinn 2005.Dagskrá 




KRANSÆÐASTÍFLA Fyrstu viðbrögð skipta höfuðmáli er einn af bæklingum Hjartaverndar í ritröð bæklinga um áhættuþætti. Bæklingurinn sem gefinn er út í samvinnu við Brjóstverkjamóttöku Landspítala-háskólasjúkrahús við Hringbraut. Í bæklingnum er m.a. sagt frá einkennum kransæðastíflu og viðbrögðum við brjóstverk. Hann er í heild sinni á heimasíðu okkar, einnig er hægt að panta eintök á Þetta netfang er varið fyrir ruslrafpósti, þú þarft að hafa Javascript virkt til að skoða það
KRANSÆÐASTÍFLA Fyrstu viðbrögð skipta höfuðmáli