ForsÝ­a arrow Fjßr÷flun
Fjßr÷flun
Frá stofnun Hjartaverndar hafa nokkrir velunnarar stofnunarinnar arfleitt Hjartavernd að hluta eða öllum eigum sínum.
Slíkar gjafir hafa komið sér einstaklega vel og bera vott um þann einstaka hlýhug og velvilja sem Hjartavernd nýtur meðal íslensku þjóðarinnar.
Hugarfar þeirra sem arfleiða Hjartavernd að eigum sínum verður best þakkað með meira og betra starfi að rannsóknum, fræðslu og forvörnum.

Hér má lesa um nokkrar arfgjafir sem Hjartavernd hefur fengið á síðustu árum.

Á árinu 1983 ánafnaði frú Eiríka Eiríksdóttir Hjartavernd að andvirði íbúðar sinnar að hluta.
Þessi dánargjöf var notuð til endurnýjunar tækja Rannsóknarstöðvarinnar sem voru orðin 15 ára gömul á þeim tíma.

Árið 1989 hlaut Hjartavernd dánargjafir tveggja velunnara sinna, Sigurjón K. Þorbjörnsson arfleiddi Hjartavernd að öllum eigum sínum, íbúð, innbúi og nokkrum fjármunum og Karólína Karlsdóttir arfleiddi sömuleiðis Hjartavernd að öllum eigum sínum, íbúð, húsmunum og nokkru lausafé.

Síðan var það árið 2004 sem Hjartavernd hlaut gjafir úr fjórum dánarbúum, rúmar 22 milljónir króna. Það ár arfleiddu Hallfríður Jónsdóttir og Þórður Sigurðsson Hjartavernd að öllum eigum sínum. 

Hulda Jónsdóttir ánafnaði Hjartavernd að hluta af eigum sínum og sama gilti um dánarbú hjónanna Ernst Rose og Helgu Anni Jensen og dánarbú Ingibjargar Kristjánsdóttur en Hjartavernd hlaut að gjöf hluta af dánarbúum þeirra.

Það er aldrei hægt að þakka fyrir slíkar gjafir en þær geta skipt verulega miklu máli í rekstri stofnunar eins og Hjartaverndar sem byggir afkomu sína nær eingöngu á því fé sem tekst að afla með styrkjum úr rannsóknarsjóðum. Hjartavernd mun nú sem áður beita sér í baráttunni gegn hjarta- og æðasjúkdómum, útbreiðslu þeirra og afleiðingu.